دامريکا دمتحده ايالاتو نړيوالې پراختيا اداره دافغانستان په ختيځو اوجنوبي برخو کې له افغان بزگرانوسره دديرشو مليونو ډالرو مرسته کوي چي دوى زياتره دگټور بوټو کرکيله وکړي . دامريکا دمتحده ايالاتو پرمختيايي ادارې دخبرپاڼې په خپرولو سره ويلي دي دغه پروژه د دغې ادارې له خوا دامريکايي غيرحکومتي له لارې اجراکيږي چې په ترڅ کې يې دافغانستان په ختيځ اوجنوب کې دڅلوروکلونولپاره له بزگرانو سره دپيسومرسته وشي . دغه پروژه په هلمند اوکندهار کې له بزگرانوسره مرسته کوي چې دکوکنارو پرځاى د انگورواو انارو بڼونه جوړ کړي او په جنوبي سيمو کې دمڼو ، الوبالو اوبادامو بڼونه جوړ کړي . په کندهار، ارزگان ، هلمند اوزابل کې بزگران به د دغه پروګرام په چوکاټ کي بريالي شي چې خپل عوايد د دو کلونوپه ترڅ کې دوه برابره کړي . د دغې پروژې په مرسته د ننگرهار له بڼوالوسره چې يو وخت يې دستروميوو دتوليد يوه ساحه وه مالي مرسته کيږي چې دسترو ميوو صنعت بيا ورغول شي . دامريکا دنړيوالې پرمختيا ادارې رييس ويليم ام فري څرگنده کړه کرنه دافغانانو د ژوند مهمه برخه جوړوي . او له افغان بزگرانوسره مرسته دافغانستان اوامريکا ددواړو حکومتونو لپاره دمهمو لومړيتوبونو څخه دي. موږ خوشحاله يوچې په افغانستان کې دکرنې دپياوړتيا په لاره کې مرسته کوو.

سرچينه باخترآژانس