سرچينه : خبريال ويب پاڼه ــــ

دنمارک اووه اعشاريه پنځه مليونه ډالره دکليو دبيا جوړولو او پراختيا له وزارت سره مرسته وکړه 
دملي پيوستون دپروګرام داطلاعاتو ددفتر مسوول عبدالحق ولي زاده باختر اژانس ته وويل ددنمارک هيواد دپنجشنبې په ورځ اعلام وکړ چې اووه اعشاريه پنځه مليونه امريکايي ډالره يې دماليې وزارت ته ورکړي دي چې ددغه وزارت له لارې دکليودبياجوړولواو پراختيا وزارت دملي پيوستون دپروګرامونو په پروژوکې داستفادې وړ وګرځي . دهغه د څرګندونو له مخې ،ددغو پيسو تفاهم ليک څه موده مخکې دماليې دوزير عمر زاخيلوال او په کابل کې ددنمارک دسفير رايمر نيلسن له خوا لاسليک شوى و . ولي زاده زياته کړه دغه پيسې به دملي پيوستون دپروګرام په پروژو کې دهيواد په بيلابيلو سيمو کې ولګول شي . دنمارک پخوا هم دملي پيوستون دپروګرامونو دپروژو دتطبيق په مقصد دڅلور اعشاريه اووه مليونوامريکايي ډالرو په ارزښت دوه موافقه ليکونه لاسليک کړي وو .