اسلام آباد
د پاکستان د څارګرې ادارې ((ای اس ای)) رييس په روانه اوونۍ کې انګلستان ته خپل سفر ، د انګلستان د لومړي وزير ډېوېډ کامرون د څرګندونو په احتجاج کې ، لغوه کړ

 .
د ((ډاون )) خبري رسنۍ د رپوټونو پر بنسټ ، ټاکل شوې په دې روانه اوونۍ کې د ((ای اس ای)) رييس احمدشجاع پاشا د خپلو همکارانو سره يو ځای انګلستان ته تللی وای او هلته يې له خپل سيال سره ليدلي وای خو په نوي ډهلي کې د کامرون د څرګندونو له امله يې خپل سفر لغوه کړ .
د انګلستان لومړي وزير ډېوېډ کامرون هند ته د خپل سفر په مهال ويلي و، چې پاکستان بايد له دوه ګوني سياست څخه لاس واخلي .

نوموړي پر پاکستان نيوکه کړې ، چې له يوې خوا په علني توګه په افغانستان کې د سولې د رامنځته کيدو څخه ملاتړ کوي او بيا په پټه وسله والو ډلو سره مرستې کوي .