له هند سره په سريلانکا کې ترسره کېدونکې پنځه ورځنۍ لوبه لا پخوا ټولو ته معلومه وه چې د کرکيټ لوبې د يوۀ خورا ځليدلي اتل موريتيرلن وروستۍ لوبه ده .

په دغه لوبه کې دلچسپي يوازې تر همدې ځايه نه وه.

موريتيرلن تر دغې لوبې وړاندې په پنځه وروځنيو سياليو کې اووه سوه دوه نوي لوبغاړي سوځولي وو. پوښتنه دا وه چې دى به په وروستۍ لوبه کې اته نور لوبغاړي هم وسوځوي که نه چې نړيوال بې ساري ريکارډ ټينگ کړي. موريتيرلن دا کار وکړ او خپله وروستۍ لوبه يې تاريخي کړه.

٣٨ کلن موريتيرلن په ١٩٩٢ کال کې پنځه ورځنۍ لوبې پيل کړې او د پنجشنبې په ورځ (د جولاى ٢٢) يې خپله وروستۍ لوبه وکړه او له پنځه ورځنيو لوبو تقاعد شو. موريتيرلن ته په معاصرو لوبغاړو کې د لوبغاړو د سوځولو له پلوه هېڅ څوک هم نږدې نه دى. تر ټولو نږدې لوبغاړى استراليايي شېن وان دى چې تېر کال له لوبو لاس پر سر شو، خو هغه تر سريلانکايي اتل دوه نيوي کم لوبغاړي سوځولي وو.

د کريکټ لوبې کارپوهان وايي، ښايي ډېره گرانه وي چې څوک د موريتيرلن ريکارډ مات کړي. دوى دا هم زياتوي چې په لوبو کې ريکارډونه يو نه يو وخت ماتېدونکي وي، خو د موريتيرلن په قضيه کې ښايي کوم بل لوبغاړى په نږدې کلونو کې پيدا نه شي چې تر ده هم ډېر بريالى ثابت شي.