پلټونكي پلاوي دهلمندپه سنګين ولسوالۍ كي دآيساف ځواكونودبريدله امله ملكي وګړوته اوښتې مرګ ژوبله دپلټنووروسته ترخپاره سوو راپورونوپنځوس سلنه كمه وښودل.

دافغانستان دجمهوررئيس حامدكرزي دلارښووني سره سم كوم پلاوى چي دمشرانوجرګې دغړي شيرمحمدآخندزاده په مشرئ دسنګين دپېښې دڅيړلوپه موخه هلمندته راغلي وو، وويل لكه څنګه چي په خپروسوو راپورونوكي ويل سوه دملكي مرګ ژوبلي كچه دومره زياته نه وه.

دكابل څخه راغلي پلاوي اودهلمندوالي محمدګلاب منګل هغه مهال دسنګين ولسوالۍ ته دخلكوسره دليدني په موخه سفروكړچي دملكي مرګ ژوبلي په اړه ډول ډول راپورونه خپاره سول چي پكښې دملكي مرګ ژوبله كچه دوه پنځوس اوياهم زياته ښودل سوې وه.

هلمندوالي وايي چي پېښه ددولت دمخالفينودجګړې دپيل سره رامنځته سوې اوطالبانودملكي خلكوكورونه دسنګرونوپه توګه كارول چي پدې پېښه كي يوشميرطالبان هم وژل سوي دي.

دپلټونكي پلاوي مشرسناتورشيرمحمدآخندزاده هم وايي چي دملكي مرګ ژوبلي شميره لكه څنګه چي ويل سوي وه په حقيقت كي همغسي نه وه.

دسنګين ولسوالۍ دريګي دسيمي خلك چي پدې پېښه كي يې دكورنۍ غړي دلاسه وركړي هم وايي چي طالبانوددوى له كورونوڅخه پرآيساف ځواكونوډزي وكړې چي وروسته دآيساف په ځوابي بريدكي ښځو،ماشومانواوسړيوته مرګ ژوبله واوښته.

سنګين ته ورغلي پلاوي دشهيدانوكورنيوته  دهيواددجمهوررئيس دخواخوږي دپيغام تروړاندي كولووروسته  ددوه ديرش شهيدانوله كورنيوسره سل سل زره افغانۍ نقدي مرسته هم وكړه.