خبریال: بشیر شرر

د زابل ولايت څخه سورغر ورځپاڼي ته په يوه راليږل سوي خبرپاڼه کې ويل سوي چې نن ددي ولايت د پوليسو په ښوونيز مرکز کې پنځه څلويښت تنو پوليسو ته له شپږ اونيزو زدکړو وروسته فراغت ليکونه ورکول سول.

د خبرپاڼي په حواله چې دغه پوليسو ته په يادو شپږو اونيو کې د جګړي اصول او تاکتيکونه، د قانون په ښه ډول تطبق او نور وښودل سول.

د زابل ولايت د امنيت آمر غلام جيلاني فراهي وويل چې دغه پوليس به يو شمېر نا امنو ولسواليو ته وليږدول سي او د پوليسو د روزني لړۍ به دوام پيدا کړي.

ديادوني وړده چې دا په زاپل ولايت کې لومړى ځل دى چې د پوليسو له ښوونيز مرکز څخه پوليس فارغه سوي دي.