د هلمند په ننني ځانمرګي بريد کې پنځه دېرش ولسي وګړيو او يوه بهرني ته مرګ ژوبله اوښتي ده.
2012-01-26, خپرونکی محمد سلطان شریفي
خبریال: بشیر شرر: کندهار سورغر
د هلمند د والي وياند داود احمدي وايې چې نن له غرمي وړاندي د هلمند په مرکز لښکرګا کې د ولايتي بيارغوني د ډلي پر بهرنيو کار کوونکو ځانمرګى بريد تر سره سوى دى.
دده په وينا چې په دي ځانمرګي بريد کې کوم چې د ولايت مقام ته څېرمه د پوهني رياست مخي ته د کرولا ډوله موټر په وسيله سوى يو دېرش تنه ژوبل سوي او درې تنه نور ژوبل سوي دي.
وياند احمدي وايې چې په دي بريد کې وژل سوي او ژوبل سوي ټول ولسي وګړي دي ولي وايې چې بهرني کارکوونکي پر زريح موټرونو کې سپاره ول. وياند همدا ډول وايې چې په ژوبل سويو کې درې ښځي او وژل سويو کې يو کوچنى هم شامل دي. دى وايې چې په پېښه کې يو بهرنى هم ژوبل سوى دى او اولس عراديموټرونه هم ويجاړ سوي دي.
يوه امنيتي سرچينه وايې چې د بهرنيانو دوه موټرونه ډېر زيات ويجاړ سوي دي او ښايې ورته مرګ ژوبله هم زياته اوښتي وي. تر اوسه ددي پېښي پړه کومي ډلي په غاړه نه د اخيستي.
يادونې، نظرونه(0)
خپل څرگندونې وليکئ
::. Please fill all the fields ! ::. Varification code is incorrect Please check carefully ! ::. Invalied email address !
