په ختيځ کې د ناټو دوه سرتېري وژل سوي دي د فراه ولايت پر مقام وسله وال بريد شوى په ارغنداب کې سيمه ايز پوليسو اعاشه نه لري په ختيځ کې د ناټو دوه سرتېري وژل سوي دي د فراه ولايت پر مقام وسله وال بريد شوى په ارغنداب کې سيمه ايز پوليسو اعاشه نه لري
په كندهار كې د قرآن كريم او نورو ديني كتابونو سپكاوى په وغندل شو
2012-02-23, خپرونکی محمود رحمتي
بشير شرر
كندهار(سورغر) په کندهار کې هم د نورو ولايتونو په څېر په بګرام هوايې اډه کې د قرآن کريم سوځونه او نورو ديني کتابونو ته سپکاوى وغندل شو
د کندهار يو شمېر قومي او ولسي مشرانو، ديني عالمانو او نورو د يوي غونډي پر مهال وويل چې په بګرام هوايې اډه کې د بهرنيو سرتېرو له خوا د قرآن کريم سپکاوى سوى دى او دا کار مسلمانانو ته په هيڅ ډول د منلو او زغملو وړ نه دى.
دغه وګړيو وويل چې ددي پېښي عاملين دي ونيول شي او د چارواکو له لوري دي د شريعت محمدي او قانون په رڼا کې سزا ورکړل شي.
دوى وويل چې دا کار ځکه اوس مهال تر سره شو چې په دي وروستيو کې د نړيوالو له لوري په افغانستان کې د سولي خبري رواني دي او دا کار د سولي پروسي ته سخت زيان رسوي.
له بلي خوا د کندهار والي هم په دي را بلل شوي غونډه کې وويل چې د بهرنيو سرتېرو له لوري تر سره شوى عمل په کلکه غندي او بايد عاملين يې ونيول شي او بيا د قانون منګولو ته وسپارل شي.
دى وايې چې د قرآن کريم سوځونه د اسلام ا مسلمانانو لپاره لويه خبر ده او بايد ددي ډول پېښو مخه په جدي ډول ونيول شي.
دا په داسې حال کې چې په کندهار ښار کې د لوى لاريون د تر سره کيدو راپورنه ورکول کيدل ولي د لوړ پوړو مسولينو له لوري دا لاريون په يوه غونډه واوښت په داسې حال کې چې په کندهار کې زيات امنيتي تدابېر هم نيول شوي ول.
په تېر کې هم د قرآن کريم د سوځوني په تړاو په کندهار کې درې ورځني پراخ لاريونونه تر سره سول او تر دوه سوه زياتو کسانو ته پکښې مرګ ژوبله واوښتل.
يادونې، نظرونه(0)
خپل څرگندونې وليکئ
::. Please fill all the fields ! ::. Varification code is incorrect Please check carefully ! ::. Invalied email address !
