محمد ګلاب منګل:په هلمند کې به د سولي په تړاو هڅي نوري هم ګړندۍ کړي.
2012-01-25, خپرونکی محمد سلطان شریفي
خبریال: بشیر شرر: هلمند سورغر
په هلمند کې د يوي پراخي غونډي پر مهال د هلمند والي محمد گلاب منگل وويل چې د سولې د ولايتي كميټې په هڅو تردې مهاله په هلمند كې ۷۰ تنه د دولت وسله وال مخالفين د سولې له بهير سره يوځاى سوي او ددې ترڅنگ د همدې كميټې په هلوځلو ۲۶ تنه زندانيان د بگرام له زندان څخه خلاص سوي دي.
د نوموړي په وينا چې دا هڅې بسنه نه كوي او بايد په دې برخه كې كوټلي گامونه پورته سي او په دې برخه كې بايد د هلمند اوسيدونكي د سولې له ولايتي كميټې سره نيغ په نيغه همكاري وكړي ځكه چې اوس مهال په هلمند کې د امنيت ساحه پراخه، په ولسواليو كې ښه حكومتداري شتون لري او ددې ترڅنگ ځينو ولسواليو ته هم لويې لارې په پاخه ډول جوړې سوې دي.
د هلمند والي په ډاگه كړه چې د سولې ولايتي كميټه په دې توانيدلې چې په دې ولايت كې په هره ولسوالى كې ځايي شوراگانې جوړې کړي او ددې ترڅنگ يې ډيرى هغه شخړو ته هم د حل لارې پيدا كړې دي کومي چې له امله يې ځينې كسان په مخالف صف كې دريږي.
دا مهال د هلمند ولايت په کچه د وسله والو فعاليتونو کميدا د چارواکو په وينا دا په ډاګه کوي چې ګڼ وسله وال بې له دي چې له دولت سره نيغ په نيغه د وسلي اېښودو چاري تر سره کړي پر کورنو کښيناستلي دي.
يادونې، نظرونه(0)
خپل څرگندونې وليکئ
::. Please fill all the fields ! ::. Varification code is incorrect Please check carefully ! ::. Invalied email address !
